Монголбанк энэ оны наймдугаар сард 2.9 тонн үнэт металл худалдан авч, оны эхнээс өссөн дүнгээр 12.6 тонн үнэт металл худалдан аваад байна.
Энэ нь өмнөх оны мөн үетэй харьцуулбал 48 хувиар өссөн үзүүлэлт юм.
Оны эхнээс өссөн дүнгээр Дархан-Уул аймаг дахь Монголбанкны хэлтэс 1.274.2 кг, Баянхонгор аймаг дахь Монголбанкны хэлтэс 884.8 кг үнэт металл тус тус худалдан авсан аж.
Монголбанкны үнэт металл худалдан авах үнийг дэлхийн зах зээл дээрх үнээр тогтоодог. Энэ оны найм дугаар сард дундаж үнэ 189,702 төгрөг байгааг Монголбанкнаас мэдээллээ. 