Амьдралын гэгэлгэн үе бол оюутан нас. Юу ч байсан туршаад үзэх дэврүүн хүсэл оргилж байдаг үе л дээ. Тэр дундаа сургалтын төлбөрөө халааслаад явж байхад нугалаад өсгөчих янз бүрийн жигтэй санаанууд толгойд орж ирнэ.
Хэд хэд өсгөөд гаргаад ирэх бизнесийн гайхамшигтай санаатай найзууд хэдэн талаас зөвлөөд л ирнэ. Нөгөө талд нийлж дарвидаг нөхдүүд ч “хорхой хөдөлгөнө”. Ийм эгзэгтэй үед олон санаа ургаж босолгүй сургалтын төлбөрөө сургуулийнхаа дансанд шууд тушаах хэрэгтэй. Яг энэ үед болсон болоогүй криптовальютын бизнес эрхэлдэг нөхдүүдийн овоо хараанд сургалтын төлбөрөө халаасалсан оюутнууд байгаа нь ойлгомжтой.
Ноолуураа тушаасан хашир малчдын толгойг ядах юмгүй эргүүтүүлдэг тэд гэнэн оюутнуудыг бол яаж ч урхидаад аргандаа оруулаад хэдэн төгрөгийг нь авчихна.
Тэдний урхинд орж төлбөрийн таван төгрөгөө өгөөдөхвөл чонын хүзүүнд мах уясантай яг адилхан. “Бэлтэс мөрөн”-д хууртагдсан Мөрөнчүүдийн бэлэн жишээ байна. Сургалтын төлбөрөө шууд л сургуулийнхаа дансанд тушаагаарай.