Хүүхэд харах үйлчилгээний тухай хуулийн хэрэгжилтийн талаар танилцуулах уулзалт өнөөдөр Хөдөлмөр, Нийгмийн хамгааллын яаманд боллоо. Засгийн газар 2022-2023 оны хичээлийн жилд 2-5 насны хүүхдийг цэцэрлэг, хүүхэд харах үйлчилгээнд бүрэн хамруулах амлалт өгсөн. Улмаар нийслэлийн хэмжээнд хүүхэд харах үйлчилгээ явуулах хүсэлтэй иргэдийн хүсэлтийг наймдугаар сарын 10 хүртэл авч буй.
БШУЯ-ны Сургуулийн өмнөх боловсролын хэлтсээс танилцуулснаар ирэх хичээлийн жилд цэцэрлэгт хамрагдах 141 мянган хүүхэд байна.Тэдгээрээс 102 мянган хүүхдийг төр болон хувийн хэвшлийн цэцэрлэгүүд хүлээж авах боломжтой аж. Харин цэцэрлэггүй үлдэх эрсдэлтэй 34 мянга гаруй хүүхдийг бүрэн хамруулахаар ажиллаж байна. Тухайлбал цэцэрлэгийн зориулалтаар 83 байр түрээслэх бол хувийн цэцэрлэгүүдэд нэмэлт элсэлтээр 10340 хүүхдийг хамруулахаар төлөвлөжээ. Мөн хүүхэд харах үйлчилгээнд хамрагдах хүүхдийн тоог нэмэгдүүлж 13 байршилд гэр цэцэрлэгт 1300 хүүхдийг сургах юм.