Тулгар төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойн баяр наадмын Үндэсний сурвын харваанд нийт 500 гаруй харваач цэц мэргэнээ сорьж байна. Эрэгтэй харваанд Монгол Улсын дархан мэргэн Ш.Даваахүү, Ц.Хүдэрчулуун тэргүүтэй 360 гаруй харваач цэц мэргэнээ сорьж буй бол эмэгтэй сур харваанд Монгол Улсын дархан мэргэн Д.Бор-Охин, Х.Оюунчимэг тэргүүн 180 гаруй харваач оролцож байна. Үндэсний сур харваанд 21 аймаг есөн дүүргээс харваачид оролцож буй бөгөөд гадны улсаас нэг харваач оролцож буй нь Бельги улсын харваач юм.