Зургадугаар сарын турш Буд, Сугар, Ангараг, Бархасбадь, Санчир нар зүүн өмнөд тэнгэрт зүүнээс баруун тийш эгнэн, нарны тойрог замд байрласан байна.
Өнөөдөр Буд, Сугар, Ангараг, Бархасбадь, Санчир, Дэлхийван, Далайван гаригийн жагсаал гэх үзэгдэл харагдах хамгийн тохиромжтой буюу нар мандахаас 1 цагийн өмнө уг үзэгдэл нь тохиосон байна.Таван гаригийн давхцал нь тун ховор тохиох бөгөөд хамгийн сүүлд 2002 оны 12 сард давхцаж байсан бол дараагийн давхцал 2040 онд тохиох аж.
Мөн хүний нүдэнд харагдах нь Буд, Сугар, Ангараг, Бархасбадь, Санчир гаригууд бол харагдахгүй нь Дэлхийван, Далайван гэнэ. Угтаа бол 7 гариг нэгэн зэрэг тэнгэрт үзэгдэж, гаригуудын завсар хавирган сар мандсан байх аж.
Харин BBC Science Focus-ийн мэдээлснээр, эдгээр таван гараг хамгийн сүүлд 2004 онд нийлсэн бөгөөд 2040 он хүртэл дахин давтагдахгүй тул энэ үйл явдлыг орхигдуулж болохгүй онцолсон байна.
М.САЙНЗАЯА