БНХАУ-ын зарим хотод олон хүүхэдтэй өрхөд хэд хэдэн үл хөдлөх хөрөнгө өмчлөх эрх олгож эхлэхээр болсон байна. Энэ нь орон сууцны зах зээлийг сэргээх, мөн улсын хэмжээнд төрөлтийг нэмэгдүүлэхээр тус улсын Засгийн газраас авч буй арга хэмжээний нэг юм.
БНХАУ-ын зүүн хэсгийн Ханжоу хотод гурван хүүхэдтэй гэр бүл дахин нэг орон сууц авахыг зөвшөөрдөг болсон аж. Хэдий тийм боловч гурав дахь хүүхэд нь 2021 оны тавдугаар сарын 31-нээс хойш төрсөн байх шаардлагатай юм байна.
Ханжоу энэхүү бодлогыг хэрэгжүүлж буй анхны томоохон орон сууцны зах зээлтэй хот болж, дөрөвдүгээр сараас жижиг долоон хотод дээрхтэй төстэй бодлого хэрэгжиж эхэлжээ.