Нэн ховор амьтан болох хотон шувууг хууль бусаар агнах, гэмтээх тохиолдол гарсаар буй. Тэгвэл өчигдөр /2022.05.16/ цахим орчинд “Хотон шувууны хошуу зарна” гэсэн зар мэдээлэл байршуулсан нь олон нийтийн бухимдлыг төрүүлсэн.
Ингэхдээ тухайн зар байршуулсан “Э” гэгч Монгол Улсын нутаг дэвсгэрт хотон шувууг хууль бусаар агнаагүй, Казахстан улсын иргэний тухайн улс орондоо олж авч хадгалж байгаа хошууг дамжуулан худалдахаар төлөвлөж, зар байршуулсан болох нь тогтоогджээ. Дээрх үйлдлийн эрхзүйн хариуцлагыг танилцуулан, хууль бус үйл ажиллагаанд оролцохгүй байх талаар ойлгуулж, цахим сүлжээнд байршуулсан зарыг устгуулсан талаар цагдаагийн байгууллагаас мэдээллээ.