Кубын нийслэл Хавана хотод байрладаг Saratoga зочид буудалд дэлбэрэлт болсны улмаас 18 хүн амиа алдаж 60 хүн эмнэлэгт хүргэгджээ. Амиа алдсан иргэдийн дунд жирэмсэн эмэгтэй болон хүүхэд байсан аж. Энэ талаар ВВС агентлаг мэдээлсэн юм.
Дэлбэрэлт хийнээс үүдэлтэй байж болзошгүй гэсэн урьдчилсан таамгийг холбогдох албаны хүмүүс дэвшүүлжээ.
Хавана хотын түүхэн зочид буудал гэгддэг энэхүү таван одтой зочид буудал цар тахлын үед үүд хаалгаа барьж, улмаар дөрөв хоногийн дараа үйл ажиллагаагаа сэргээхээр ажиллаж байсан гэнэ. Харамсалтай нь ийм дэлбэрэлт болж, буудлын хананы ихэнх хэсэг нь нуржээ.