“Шри Чинмойн Эвийн Өргөө Энхийн Гүйлт” буюу хүн төрөлхтний эв эе, энх амгаланг хүсэх сэтгэлийн уриаг түгээх олон улсын галт бамбарт буухиа гүйлт Монголд 14 дэх удаагаа зохиогдоход бэлэн болжээ. 7300 км замыг туулж 21 аймгийн 108 сумаар дайрах “Энхийн гүйлт 2022” буухиа тавдугаар сарын 14-д эхэлнэ. Энхийн гүйлтийн галт бамбарыг аймаг, сумуудаар буухиалан дамжуулах бөгөөд 15 хүний бүрэлдэхүүнтэй үндсэн баг бамбарыг унтраалгүй авч явах аж. Гүйлтэд олон улсын тамирчид оролцох бөгөөд эв найрамдлыг сурталчилж галт бамбарыг 54 хоногийн турш тасралтгүй асааж явна гэж Биеийн Тамир Спортын Улсын Хорооноос мэдээллээ.
Гүйх маршрут:
1-р хэсэг: 5-р сарын 14-27
Улаанбаатар-Төв- Хэнтий- Дорнод- Сүхбаатар- Дорноговь- Говьсүмбэр
Нийт: 2065 км, 14 өдөр
2-р хэсэг: 5-р сарын 29-өөс 6-р сарын 24
Говьсүмбэр- Дундговь- Өмнөговь- Өвөрхангай- Баянхонгор- Говь-Алтай- Ховд- Баян-Өлгий- Увс- Завхан- Архангай
Нийт: 3698 км, 26 өдөр
3-р хэсэг: 6-р сарын 26-аас 7-р сарын 7
Архангай- Хөвсгөл- Булган- Орхон- Сэлэнгэ- Дархан- Төв- Улаанбаатар
Нийт: 1491 км, 11 өдөр