Монгол хэл бичгийн давтан шалгалтыг тавдугаар сарын 7-нд авна. Энэ жилийн Монгол хэл бичгийн шалгалтад 33138 шалгуулагчаас 5000 нь босго оноондоо хүрээгүй.
Их, дээд сургуульд элсэн суралцах шалгуулагч нь эх хэлний боловсролын чанар, хэрэглээ, иргэдийн харилцааны соёл, эх хэлний дархлааны түвшинг сайжруулах зорилготой “Монгол хэл бичгийн шалгалт”-д заавал хамрагдсан байх ёстой юм.
Уг шалгалтын босго оноо 400 байхаар тогтоосон. Монгол хэл бичгийн шалгалтын суудлын хуваарь өчигдөр буюу 2022 оны тавдугаар сарын 01-ний өдөр гарсан талаар Боловсролын үнэлгээний төвөөс мэдээллээ.