Энэ нь 40 сая хүн амтай Украин улсын нийт хүн амын 15 хувь нь гадны улс руу эх орноо орхин дүрвэсэн гэсэн үг юм.
НҮБ-ын Дүрвэгсдийн асуудал эрхэлсэн дээд комиссарын газрын мэдээлснээр зөвхөн хөрш Польш улс өнөөдрийн байдлаар 2,9 сая дүрвэгч хүлээн авчээ. Түүнчлэн Унгарт 476 мянган дүрвэгч очсон бол Молдавт 428 мянга, Румынд 770 мянга, Орост 563 мянга гаруй хүн дүрвэж очжээ. Олон улсын цагаачлалын байгууллагаас гаргасан судалгаагаар Украинд 7,7 сая иргэн дотооддоо дүрвэсэн гэсэн тооцоог гаргажээ. Энэ нь Украины нийт хүн амын 17,5 хувийг эзэлж байна. Дотооддоо дүрвэгсдийн 37 хувь нь баруун бүс нутгууд руу дүрвэсэн байна.
Олон улсын улаан загалмайн нийгэмлэгээс дүрвэгсдийн хувьд, хамгийн тулгамдаж байгаа асуудал нь эдийн засаг санхүүгийн хямрал мөн эмнэлэг эм тарианы хэрэгцээ нэн тэргүүнд шаардлагатай байгааг хэлж байна. Үүний зэрэгцээ дотооддоо дүрвэгсдээс иргэд гэртээ буцан ирж байна. Тухайлбал, өнгөрсөн ням гарагийн байдлаар 2,7 сая иргэн, гэртээ буцан иржээ. Үндсэндээ дэлхийн 2 дугаар дайнаас хойш Европт дүрвэгсдийн хямрал нүүрлэсэн хамгийн хүнд хэцүү цаг үе тохиож байгааг хэвлэлүүд онцолж мэдээлж байна.