АНУ-ын Эрчим хүчний яамны Эрчим хүчний мэдээллийн алба газрын тосны тайланг нийтэлж, өнгөрсөн долоо хоногт тус улсад газрын тосны нөөц мэдэгдэхүйц нэмэгдсэн гэсэн мэдээний дараа газрын тосны үнэ нэмэгжджээ.
Тайланд мэдээлснээр, АНУ-д дөрөвдүгээр сарын 08-нд дууссан долоо хоногт арилжааны газрын тосны нөөц 9.38 сая баррелиар нэмэгдсэн бол авто бензиний нөөц 3.65 сая баррелиар, нэрмэлийн нөөц 2.9 сая баррелиар буурчээ.
Салбарын шинжээчид дунджаар газрын тосны нөөц нэг сая баррелиар нэмэгдэж, авто бензиний нөөц 600 мянган баррелиар, нэрмэлийн нөөц 416 мянган баррелиар буурна гэж таамаглаж байв. Үүний зэрэгцээ, Нью-Йоркийн NYMEX бирж дээр арилжаалагддаг газрын тос хадгалагдаж буй Кушингийн агуулах дахь газрын тосны нөөц сүүлийн долоо хоногт 400 мянган баррелиар нэмэгджээ.
Лондоны ICE фьючерс бирж дээр брент төрлийн газрын тосны зургадугаар сарын фьючерсийн үнэ 1.96 ам.доллар/баррелиар (1.87%) өссөн бөгөөд 106.60 ам.доллар/ баррель хүрсэн байна.