Дэлхийн зах зээл дээр газрын тосны жишиг үнийг илтгэгч “Brent” төрлийн бүтээгдэхүүний үнэ баррель тутамдаа 122.66 ам.доллар болж өсөөд байв. Өнөөдрийн байдлаар 101.39 ам.доллар болж буурчээ . Мөн “WTI” төрлийн бүтээгдэхүүн 115.69 ам.доллар байсан бол 96.84 ам.доллар болж буурсан байгаа юм.
ОХУ-д үйл ажиллагаа явуулдаг олон улсын байгууллагууд тус улс дахь үүд хаалгаа барьсан. Энэ нь зэвсэгт мөргөлдөөнийг эсэргүүцэж, энх тайвныг хүсэгчдийн хийж буй арга хэмжээ юм. Үүний нэг нь газрын тосны орд ашиглалтаар дэлхийд тэргүүлэгч гурван компани ОХУ дахь үйл ажиллагаагаа хязгаарласнаас үүдэн энэ бүтээгдэхүүний үнэ огцом өсөх шалтгаан болж байна гэж шинжээчид үзэж буй.
