Ардчилсан намын даргын сунгаанд нэр дэвшигч, УИХ-ын гишүүн Ж.Батсуурийн сонгуулийн штабаас өнөөдөр /2022.04.02/ мэдээлэл хийлээ.
Ж.Батсуурь:
-Булаалгасан боломжоо эргүүлэн авна гэсэн мөрийн хөтөлбөртэй ажиллалаа. Гэвч сонгуулийн сурталчилгааны явцад буюу гуравдугаар сарын 31-ний өдөр Дээд шүүх Ардчилсан намын дүрмийн шинэчлэлийг бүртгэн авснаар шинэ нөхцөл байдал үүссэн. Тиймээс Дотоод сонгуулийн хорооноос шинэчилсэн дүрмийн дагуу сонгуулийг шинэчлэн зохион байгуулахыг хүссэн ч татгалзсан хариу авлаа. Тиймээс миний бие сонгуулиас нэрээ татаж буйгаа зарлалаа.
Сонгуулийн саналт хураалт явуулах нь учир дутагдалтай. Миний хуурамч хаягаас Ардчилсан намын гишүүдийг, ард иргэдийг төөрөгдүүлэх гэлээ. С.Эрдэнэтэй холбогдсон асуудал байхгүй. Би С.Эрдэнийн намаас хөөгдсөн. Би бүтэн Ардчилсан намыг бий болгох зорилго тавьсан. Хэдхэн дарга нарын гарт орчихсон байсан. Үүнээс болж Ардчилсан намын амжилтгүй байдал үүссэн. Намайг ямар нэгэн үйл явдал, хэн нэгэнтэй холбох боломжгүйг харсан байх. Бид 2014 оны Дээд шүүхэд бүртгэгдсэн дүрмээр сунгаанд оролцсон. Шинэчлэгдсэн дүрэм гар дээр ирэх хүртэл санал хураалтыг хойшлуулъя гэсэн боловч Дотоод сонгуулийн хороо зөвшөөрсөнгүй. Ийнхүү нэрээ татаж байна.