Ардчилсан намын даргын сонгууль энэ сарын 3-нд буюу нөгөөдөр улс, орон даяар болно. АН-ын гишүүн та харьяа, хэсгийн хороон дээрээ очиж, дэмжиж буй нэр дэвшигчийнхээ нэрний өмнөх дугуйг дүүргэн будаж нууцаар санал өгснөөр таны санал баталгаажна гэдгийг АН-ын дотоод сонгуулийн хороо мэдэгдэж “Сонгуульдаа идэвхитэй оролцоно уу” хэмээн уриалж байна.
Өчигдөр С.Эрдэнэ Улсын дээд шүүхээс гарсан шийдвэрийг бүх асуудалд цэг тавилаа хэмээн олон нийтийг төөрөгдүүлэхийг оролдов. Ж.Батсуурь энэ удаагийн сунгаанд гарч ирэхгүй нь тодорхой болоод ирэнгүүт санал хураалт дөхсөн өдрүүдэд Х.Баттулга руу элдвээр дайралт хийж, 200 мянган гишүүний санаа бодлыг эргүүлэх гэж үзэж байгаа нь ил харагдаж байна.
Сунгааны явцыг ажиглахад АН-ын даргын сонгуулийн үр дүн, хэн гарах нь тодорхой байгаа гэхэд хилсдэхгүй. Нэг хүн гарч ирээд л АН-ын 200 мянган гишүүний хүсэл, зориг, итгэл, нэгдлийг үгүйсгэж чадахгүй. АН-ын 200 мянган гишүүнийг ингэж басаж болохгүй, намынх нь даргын сонгууль болдгоороо болно. Томоор харвал ганц хоёр хүн АН-ыг өмчлөөд “Минийх” гэж байхад нөгөө талд нь 200 мянган гишүүнтэй намынхан нь Х.Баттулгыг дэмжиж байна. Тэгэхээр энэ удаагийн АН-ын даргын сунгаан Ж.Батсуурь, Х.Баттулгын хоёрын хооронд биш 200 мянган гишүүн, С.Эрдэнэ гэдэг хоёр талын хооронд болоод ч байгаа юм уу гэж харагдаж байна. Гэвч эцэст нь үнэн ялдаг тул АН-ын 200 мянган гишүүн ялах нь тодорхой.
