ОХУ “найрсаг бус” харилцаатай орнуудыг байгалийн хийн төлбөрөө рублиэр төлж эхлэхгүй бол нийлүүлэлтээ бууруулна гэж мэдэгдлээ. Ерөнхийлөгч Владимир Путин өчигдөр дээрх зарлигт зарлигт гарын үсэг зуржээ. Өнөөдрөөс хэрэгжиж эхлэх шинэ журмаар найрсаг бус харилцаатай орнуудын гэрээлэгч нар байгалийн хий худалдаж авахын тулд Оросын банкуудад рублийн данс нээлгэх ёстой.
“Хэн ч бидэнд юу ч үнэ төлбөргүй зардаггүй, бид ч гэсэн буяны ажил хийхгүй. Өөрөөр хэлбэл байгалийн хий нийлүүлэх тухай хуучин гэрээнүүд бүгд цуцлагдсан” гэж Оросын ерөнхийлөгч мэдэгдлээ. Путины тавьсан шаардлагыг барууны хоригт өртөөд байгаа рублийн ханшийг өсгөх гэсэн оролдлого гэж үзэж буй. Түүний зарлигаар Оросын байгалийн хийг худалдан авагчид Газпромбанкинд данс нээлгэж, евро эсвэл ам.доллар шилжүүлэх ёстой гэсэн үг. Газпромбанк эдгээр валютыг рубль болгон хувиргаж, хийн төлбөрийг шилжлүүлэх юм.
Украинд байлдааны ажиллагаа эхэлснээс хойш барууны орнууд Оросын эсрэг эдийн засгийн болон худалдааны хориг арга хэмжээ авсан боловч Европын холбоо байгалийн хийн экспортод хориг тавиагүй байсан юм.
ЕХ нь байгалийн хийн хэрэглээнийхээ 40 орчим хувийг, газрын тосныхоо 30 хувийг Оросоос авдаг.