Давс нь бие махбодын үйл ажиллагааг хэвийн явуулахад чухал хэрэгцээтэй бодисын нэгдэл билээ. Олон улсын стандартаар 100 граммд давсны агууламж 0.3-0.6 байх ёстой ч, манай улсын давсны хэрэглээ дунджаар 2-3 дахин их байдаг байна. Дэлхийн эрүүл мэндийн байгууллагаас давсны хэрэглээ өдөрт 5 гр-аас хэтрэхгүй байх ёстой гэж тогтоосон байдаг. Тэгвэл давсны зохистой хэрэглээний талаар Нийгмийн эрүүл мэндийн үндэсний төвөөс дараах зөвлөмжийг хүргэж байна.
Давсны хэрэглээг бууруулах ач холбогдол:
- Цусны даралт багасна
- Зүрх судасны өвчин үүсэх, цус харвах эрсдэл буурна
- Амтлах мэдрэмж сэргэн, хоол хүнсний жинхэнэ амтыг мэдэрнэ
- Ходоодны хавдар үүсэх эрсдэл буурна
- Хаван, бөөрний чулуу үүсэхээс сэргийлнэ
Давсны зохистой хэрэглээ:
- Далд давсны хэрэглээ буюу үйлдвэрийн аргаар боловсруулсан бүтээгдэхүүн болох нөөшилсөн бүтээгдэхүүн, утсан бүтээгдэхүүн, нөөшилсөн ногоо, төрөл бүрийн амтлагчийг бага хэрэглэх
- Түргэн хоолны хэрэглээг багасгах нь давсны хэрэглээг багасгана
- Хоолыг давсаар биш бусад амтлагчаар амтлах боломжтой. Үүнд цагаан гаа, яншүй, чинжүү, улаан сонгино, ааг ихтэй ногоо, хүмүүлээр амталж болно
- Хүнсний бүтээгдэхүүн сонгохдоо шошгоос давсны агууламж багатайг сонгох нь өдөрт авах давсны хэмжээг анхаарахад тустай.