БНСУ Оросын төв банктай гүйлгээ хийхгүй болжээ. Гадаад харилцааны яам нь энэ талаар мэдээлэл гарсныг “Ёнхап” агентлаг өнөөдөр уламжлав. Гэхдээ энэ нь ерөнхий чиг бөгөөд яг ямар байдлаар байх вэ гэдгийг яамдаасс санал авсны дараа эцэслэн шийдэх юм байна. БНСУ бол олон улсын зүгээс Москвад тавьж буй хоригт нэгдэн SWIFT системээс салгахад дэмжсэн улсуудын нэг юм.
БНСУ энэ сарын 3-нд ОХУ-ын эсрэг тавьсан АНУ-ын хоригоос өөрсдийн үйлдвэрлэгчдээ хассан талаар мэдээлсэн. Үүнийхээ оронд өөрсдөө экспортын хяналт тогтооххор болсон бөгөөд “Самсунг электроникс” компани ОХУ руу бүтээгдэхүүн гаргахаа түр хугацаанд зогсоосон юм. Өчигдрөөс олон улсын төлбөрийн карт “Мастер”, “Виза” ОХУ дахь үйл ажиллагаагаа түр зогсоож байгаагаа зарласан юм.