Орхон аймгийн Биеийн тамир, спортын газраас “Тэшүүр сонирхогчдын өсвөр үе”-ийн аварга шалгаруулах тэмцээнийг амжилттай зохион байгууллаа. Тэмцээнд Орхон аймгийн ерөнхий боловсролын есөн сургууль болон Булган аймгийн Сэлэнгэ, Бугат сумын нийт 53 тамирчин 7 дасгалжуулагч оролцсон байна.
Тус тэмцээн 6-10, 11-12, 13-14, 15-16, 17-18 гэсэн 5 насны ангилалд тус бүр эрэгтэй, эмэгтэй гэсэн төрлөөр зохиогдож шилдгүүдээ шалгарууллаа. Тэмцээнийг “Эрдэнэт- Мөнгөн өвөл-2022” аяны хүрээнд зохион байгуулсан юм.