ОХУ Украин руу довтолсон явдлаас үүдэн Европын хөл бөмбөгийн холбоо буюу UEFA Оросын Санкт Петербург хотод болох байсан Аваргуудын лигийн финалын тоглолтыг цуцаллаа.
2021-2022 оны Аваргуудын лигийн шөвгийн 16-гийн тоглолтууд одоогоор үргэлжилж байгаа бөгөөд финал тавдугаар сарын 28-нд болох байсан.
Финалын тоглолтыг Орост зохион байгуулахгүй ба өөр ямар хотод зохиох тухай шийдвэр гараагүй байна. Гэхдээ хамгийн боломжит хувилбар нь Английн Wembley цэнгэлдэх хүрээлэн гэж судлаачид үзэж байна.