Сүүлийн саруудад ихэнх хөгжиж буй зах зээлийн валютын ам.доллартой харьцах ханш тогтвортой байсан бол энэ онд ханшид ирэх дарамт өндөр байна гэж “Fitch Ratings” дүгнэлээ.
АНУ-ын Холбооны Нөөцийн банк бодлогын хүүгээ чангаруулах төлөвтэй байгаа нь хөгжиж буй зах зээлүүдэд мөнгөний бодлогодоо тохиргоо хийх шаардлагыг бий болгоно гэж үзэж байгаа аж.
“Fitch Ratings”-ийн хувьд Холбооны Нөөцийн банк энэ онд 100 суурь нэгжээр, 2023 онд мөн 100 суурь нэгжээр бодлогын хүүгээ өсгөнө гэж тооцоолж байгаа юм.
Олон улсад эрсдэлээс сэргийлэх чиглэлд илүүтэй анхаарснаар АНУ-ын зах зээлийг чиглэх хөрөнгийн урсгал нэмэгдэнэ гэж тооцоолжээ.
Харин Монголбанкны хувьд сүүлийн хурлаараа бодлогын хүүг 0.5 нэгж хувиар нэмэгдүүлээд байна. 2020 оны есдүгээр сараас хойш бодлогын хүүг анх удаа өсгөхөөр шийдвэрлэсэн юм.