Литва улсад зохион байгуулсан мөсний загасчлалын энэ удаагийн ДАШТ-д 12 орны баг өрсөлдсөн бөгөөд Т.Эрдэнэчулуун ахлагчтай Монголын баг 6 дугаар байрт шалгарсан байна.
Багийн ахлагч Т.Эрдэнэчулууны хувьд 2014, 2015, 2016, 2017, 2018, 2020 оны дэлхийн аварга шалгаруулах тэмцээнүүдэд тамирчнаар оролцож байсан туршлагатай Монголын шилдэг загасчин юм байна.
Багийн дүнгээр тэмцээнийг зохион байгуулагч Литва улсын баг тэргүүлж, Беларусь улсын баг дэд байрыг эзэлсэн байна.
Тэмцээний өмнө бороо орж нуурын мөс нимгэрсэн тул тэмцээний хуваарьт өөрчлөлт оржээ. Мөн тэмцээний үеэр ширүүн салхитай байгаль, цаг уурын хүнд нөхцөл үүссэн хэдий ч манай баг, тамирчид амжилттай оролцжээ.
