Монголын Үндэсний Спортын Анхдугаар Их чуулган Монгол Улсын Ерөнхийлөгчийн ивээл дор 2022 оны хоёрдугаар сарын 28-ны 09:00 цагаас Төрийн ордонд болно.
Чуулганаар Үндэсний спортын хороодын зорилго, зорилт, цаашдын хөгжлийг хэлэлцэх бөгөөд Ерөнхийлөгч Үндэсний спортын тухай зарлиг гаргана гэж Монголын Үндэсний бөхийн холбооны тэргүүн Ц.Магалжав мэдээллээ.
Чуулганыг Монголын Үндэсний спортын хороо зохион байгуулна. Тус хороонд үндэсний 15 спортын холбоод нэгдсэн байдаг.
Чуулганаар холбоодын дотоод асуудлыг ярихгүй бөгөөд Монгол өв уламжлал, соёлыг хөгжүүлэх тухай хэлэлцэнэ гэв.