Сар шинийн босгон дээр улсын аварга малчид, тариаланчдаа тодруулдаг уламжлалтай. Энэ жил Төв аймгаас 15 Улсын аварга тодорлоо. Улсын хошой аварга малчин өрхөөр Эрдэнэ сумын малчин Т.Мэндсайхан, Улсын аварга малчин өрхөөр Эрдэнэсант сумын Ж.Ёндон, Баянцагаан сумын П.Баньд, Баянжаргалан сумын Т.Дашдаваа, Алтанбулаг сумын Ү.Даваадорж, Баян-Өнжүүл сумын Ц.Бат-Очир нар тодорчээ.
Улсын аварга тариаланч хамт олноор Цээл сумын “Цээлийн хур” ХХК, Угтаалцайдам сумын “Жаврай үр” ХХК, Эрдэнэсант сумын “Хөнөг нуур” ХХК шалгарсан байна. Улсын аварга тариаланчаар Баянцогт сумын тариаланч Д.Гомбосүрэн, Цээл сумын тариаланч Э.Ганбаатар, Угтаалцайдам сумын тариаланч С.Энхболд, Улсын аварга фермерээр Борнуур сумын Б.Энхбаяр, Борнуур сумын Ч.Жамбалдаш, Эрдэнэ сумын “Шим агро” фермер тус тус шалгарлаа.