Германы Хайдельберг хотын нэгэн их сургуульд буудалцаан болж, дөрвөн хүн шархаджээ. Энэ талаар орон нутгийн хэвлэлүүд мэдээллээ.
Халдлага их сургуулийн лекцийн танхимд болсон байна. Бусад руу гал нээсэн этгээд нас барсан, тэрбээр 23 настай оюутан Тобиас Лудлофф гэгч байсан тухай хэд хэдэн хэвлэлүүд бичсэн байна.
Халдлага үйлдэгч өөрөө ямар нөхцөл байдалд амиа алдсан талаар тодорхой мэдээлэлгүй, цагдаа нар устгасан, амиа егүүтгэсэн гэж янз бүрийн зөрүүтэй мэдээлэл байгаа юм.
Буудалцаанаар нэг эмэгтэй амиа алдаж, гурван хүн шархаджээ. 23 настай эмэгтэйг эмнэлэгт хүргэсэн ч хэдэн цагийн дараа нас баржээ. Бусад хохирогчид нүүр, нуруу, хөлөндөө гэмтэл авсан гэж цагдаа нар мэдэгдлээ.
Хэрэгтэй холбогдуулан Германы Канцлер Олаф Шольц мэдэгдэл хийхдээ “Халдлагын үеэр нэг оюутан бэртлийн улмаас нас баржээ. Ийм мэдээг сонсоод миний зүрх эмтэрч байна” хэмээжээ.