“The Voice of Mongolia” шоуны гуравдугаар улирлын эхний дугаар 2022 оны нэгдүгээр сарын 2-нд эхэлнэ гэж “Mongol HD” телевиз мэдээлжээ. Шоуны шүүгчдийн бүрэлдэхүүнд өөрчлөлт орсон гэх мэдээлэл одоохондоо баталгаатай болоогүй байна.
Хоёрдугаар улиралд шилдгээр шалгарсан Х.Ядам болон бусад дуучид өдгөө уран бүтээлээ хийж, үзэгч сонсогчдынхоо сонорыг мялаасаар буй нь сайшаалтай. Орчин цагт шинэ, шилдэг дуучид, уран бүтээлчдийг төрүүлэх, таниулах ач холбогдолтой тус шоуг монголчууд ихэд хүлээн үздэг билээ.