Архангай аймгийн Цэцэрлэг сумын Чулуут багийн “Чулуутын гол” гэдэг газарт “Суудлын автомашин голын мөсөнд цөмөрч живсэн” тухай дуудлага өнгөрөгч арванхоёрдугаар сарын 26-ны өдрийн 21:10 цагт /21:15 цагт/ хүлээн авчээ.
Улмаар Хөвсгөл аймгийн Онцгой байдлын газрын Эрэн хайх, аврах салбарын алба хаагчид, ар гэрийнхэн 110 км замыг туулан 07:46 цагт очиход Хөвсгөл аймгаас Архангай аймгийн чиглэлд зорчин явсан иргэн О-ийн “Лексус”-570 загварын суудлын автомашин “Чулуут” голын мөс цөмрөн орсон байсныг 8 цаг 34 минут ажиллан татаж гарган иргэн О-д хүлээлгэн өгчээ. /Жолооч болон 4 зорчигч өөрсдөө эсэн мэнд гарсан./