МАН-ын бүлгийн хуралдаан тов ёсоор өнөөдөр /2021.12.27/ хуралдах байсан ч маргааш болж хойшилжээ. Тодруулбал, Үндсэн хуулийн цэцийн дунд суудлын өнөөдрийн хуралдаанаар Засгийн газрын дөрвөн сайд “давхар дээл”-тэй байна гэсэн заалт Үндсэн хууль зөрчсөн, эсэх асуудлаар хуралдаж шийдвэрээ гаргана.
Иймээс МАН-ын бүлэг хуралдаанаа хойшлуулж, Цэцийн дунд суудлын хуралдааны шийдвэр гарсны дараа хуралдахаар болжээ.
Эргэн сануулахад өнгөрөгч долоо хоногийн хуралдаанаар Цар тахлын хуулийг сунгах шаардлагатай гэж үзсэн билээ. Энэ хүрээнд ипотекийн зээлтэй холбоотой заалт үргэлжилнэ гэдгийг бүлгийн дарга Д.Тогтохсүрэн мэдээлж байсан юм.