Монголын үндэсний олимпийн хорооны гишүүдийн ээлжит бус хурал энэ сарын 20-нд зохион байгуулагдана.
Тус хорооны гүйцэтгэх зөвлөл өнгөрсөн арваннэгдүгээр сарын 17-нд хуралдаж, тухайн сарын 30-нд товлоод байсан хурлаа дахин хойшлуулж, дээрх өдрийг сонгосон юм.
Уг хурлаар ирэх олимпийн мөчлөгт МҮОХ-г удирдах бүрэлдэхүүн (ерөнхийлөгч, тэргүүн дэд ерөнхийлөгч, дэд ерөнхийлөгч, Гүйцэтгэх зөвлөлийн гишүүд)-ийг сонгох юм.