Францын нэрт жүжигчин Жан-Пол Бельмондо 88 насандаа Парис хот дахь гэртээ хорвоогийн мөнх бусыг үзүүлжээ. Энэ тухай түүний өмгөөлөгч Мишель Годест даваа гаригт “АFP” агентлагт мэдээлсэн байна. М.Годест “Сүүлийн саруудад тэрбээр маш их ядарсан байсан. Тэр тайван нойрссон” гэж мэдэгджээ.
Бельмондо кино урлагт 60 гаруй жил зүтгэхдээ тайз, дэлгэцийн 100 гаруй дүр бүтээсэн юм. Домогт найруулагч Жан-Люк Годарын сонгодог бүтээл
Францын нэрт жүжигчин Жан-Пол Бельмондо таалал төгсчээболох “Сүүлийн амьсгал” (À bout de souffle) кино 1960 онд дэлгэцнээ гарсны дараа тэрээр алдрын оргилд хүрчээ.
Францын Оскар гэгдэх Цезарын шагнал гардуулах ёслолоос Шилдэг эрэгтэй жүжигчний шагналыг хүртсэн юм. Мөн Витторио Де Сикагийн “Чочара” (La ciociara)
кинонд София Лорентой хамт тогложээ. Бельмондо гэмт хэрэг, триллер төрлийн уран бүтээлүүдээс гадна Роми Шнайдер, Алан Делон нарын хамт мелодрам кинонуудад дүр бүтээсэн юм.
Францын үзэгчид түүнийг “Бебел” гэж дууддаг байв. 2001 онд цус харвасны улмаас эмнэлэгт хүргэгдэж байв. Өвчний улмаас жүжигчин карьераа түр орхисон ч найман жилийн дараа дэлгэцнээ эргэн ирсэн билээ. Кино урлагт оруулсан хувь нэмрийг нь үнэлэн 2016 онд “Алтан арслан” одон, 2019 онд Францын Хүндэт легионы одон тус тус хүртсэн юм. Бельмондогийн тоглосон кинонуудыг дэлхийн кино театруудад нийтдээ 130 сая гаруй удаа үзүүлсэн гэсэн тоо баримт байдаг аж.