Монгол Улсад Циркийн урлаг үүсч хөгжсөний 80 жилийн ойг тохиолдуулан салбартаа олон жил үр бүтээлтэй ажилласан уран бүтээлчдийг шагнаж урамшууллаа.
Үүнд, “Кон-Арт” төвийн захирал, ахмад уран бүтээлч Р.Мандах-Оргилыг “Алтан гадас” одонгоор, “Монгол харцага” хамтлагийн багш, морь сургагч Г.Балдандаваа, “Хан Монгол” морьтны холбооны морины жүжигчин, морь сургагч дасгалжуулагч Л.Баттөр нарыг Хөдөлмөрийн хүндэт медалиар шагнасныг Соёлын дэд сайд М.Батбаяр өчигдөр гардуулан өгсөн юм.