Монголын мэргэжлийн загвар зохион бүтээгчдийн холбооны Mongolian Professional Designers Union загварын шоу болж өнгөрлөө.
Бүтээлч үйлдвэрлэлийн үр шимийг таниулах, сурталчлах, урлаг, уран бүтээлчдийн хөгжлийг дэмжих “Соёлын бүтээлч сар” аяны хүрээнд Монголын мэргэжлийн загвар зохион бүтээгчдийн холбооноос Монгол дизайнеруудыг нэгтгэж, тэдний урласан бүтээлүүдийг хэрэглэгчдэд сурталчлах мөн дэлхийд өрсөлдөх чадварыг нэмэгдүүлэх зорилготой “MPDU Fashion Week” загварын шоу Монголын хүүхдийн урлан бүтээх төвд амжилттай зохион байгуулагдлаа.
Энэхүү загварын шоунд бид бүхний хэдийнээ танил болсон OVDOG, Zoson, Muse Art House, SOYO Brand, KADR, Futuristic Type хэмээх брэндүүд оролцсоноос гадна үүсгэн байгуулагдаад удаагүй байгаа Senti NOEMI LINE TUVZA хэмээх залуу брэндүүд өөрсдийн цуглуулгаа танилцууллаа.
