“Comedy Lab” клубын гишүүн Д.Амартүвшин болон иргэн Д.Булгантамир нарыг цар тахлын үед хууль зөрчиж, жагсаал зохион байгуулсан хэргээр шүүхээс дуудаж, 500 мянган төгрөгөөр торгох шийдвэр гаргажээ.
Д.Амартүвшин “Өнөөдөр нотлох баримтын шаардлага хангахгүй нотлох баримт дээр үндэслээд Д.Булгантамир бид хоёрт шүүхээс зөрчлийн хэргээр 500 мянган төгрөгөөр торгох шийдвэр гаргасан. Сайд дарга нартаа мөн адил хариуцлага тооцох ёстой. Тэд хүн цуглуулж болдог, бид болдоггүй, биднийг хуулиар дарангуйлж торгодог. Бид 3 метрийн зай барьж байсан. Шүүхээс үзэл бодлоо илэрхийлсний төлөө ингэж хариуцлага тооцдог том жишээ гарч ирлээ” гэв.