Хятад улсын Эрээн хотод сүүлийн 24 цагийн хугацаанд “Covid-19”-ийн халдварын тохиолдлын тоо нэгээр нэмэгдэж нийт батлагдсан тохиолдол 18 боллоо.
Монгол-Хятадын худалдааны томоохон боомт болох Эрээн хотод энэ сарын 13-нд цар тахлын нэг тохиолдол илэрсний улмаас манай улстай хилээ хаагаад байгаа билээ. Үүний улмаас Хятадаас орж ирдэг импортын бараа бүтээгдэхүүний тээвэрлэлт зогсоод байгаа юм.
Мөн Алшаа аймгийн Эзнээ хошуунд сүүлийн 24 цагийн хугацаанд 18 хүн халдвар авч нийт тохиолдлын тоо 132 болсон аж. Тус хошууны нутаг дэвсгэрт Монгол-Хятадын нүүрс тээвэрлэлтийн гол гарцуудын нэг Сэхээ боомт харъяалагддаг юм.