Сөүл-Улаанбаатар чиглэлийн ачаа тээврийн нислэгээр Ковакс хөтөлбөрийн хүрээнд ирж буй 154 хайрцаг, 5698 кг 899.730 тун “Файзер” вакциныг тээвэрлэн авч иржээ. АНУ-аас Монгол Улсад нэг сая тун вакцины тусламж үзүүлэх болсныг Засгийн газраас мэдээлсэн. Цар тахал эхэлснээс хойш АНУ-аас манай улсад 8 сая орчим ам.долларын дэмжлэг үзүүлжээ.
Түүнчлэн Японы засгийн газрын буцалтгүй тусламжаар 2.35 сая тун Файзер вакцины худалдан авалтыг санхүүжүүлж байгаа бөгөөд үүнээс 1.373.430 тунг хүлээн авсан юм. Ингэснээр өнөөдрийн байдлаар манай улсын хүлээн авсан нийт “Файзер” вакцин 2.4 сая тунг давлаа.