Гэрийн тэжээвэр амьтадтай холбоотой асуудал, харилцааг зохицуулах хуулийн төсөл санаачлахаар болсон байна.
Манай улсад гэрийн тэжээвэр амьтадтай холбоотой аливаа харилцаа, асуудлыг хуулийн хүрээнд зохицуулах, нохой, муур тэжээдэг хүмүүсийн хариуцлагын тогтолцоог сайжруулах, эрх зүйн орчин бий болгох, гэрийн тэжээвэр амьтдын эрхийг хамгаалахад чиглэсэн хуультай болохыг олон нийтэд уриалах зорилготойгоор “Амьтад амьдрах эрхтэй” төслийг хэрэгжүүлж эхэлсэн.
Төслийн нээлтийн ажиллагаа өнгөрсөн бямба гарагт болсон. Төслийн нээлтийн ажиллагаанд оролцох үеэр УИХ-ын гишүүн Б.Энхбаяр тэжээвэр амьтадтай холбоотой асуудлаар хуулийн төсөл боловсруулах саналыг хүлээн авсан гэж Тэжээвэр амьтны эрхийн төлөө сангаас мэдээллээ.