Сүүлийн нэг жилд уур амьсгалын өөрчлөлтийн улмаас Латин Америкт байгалийн гамшиг нэлээдгүй тохиож байна.
Үүнтэй холбоотойгоор хүнсний бүтээгдэхүүний экспортоор тэргүүлэгчдийн нэг Бразилд ургац хураалт буурч, хүнсний үнэ өсөөд байгаа аж. Тухайбал: өнгөрсөн сард жүржийн үнэ гурван долоо хоногт 20 хувиар өссөн бол элсэн чихрийн үнэ сүүлийн дөрвөн жилийн дээд түвшинд хүрч өсжээ. Энэ нь цаашлаад дэлхийн хэмжээнд хүнсний бүтээгдэхүүний үнэ эрс өсөх гол хүчин зүйл болж байгаа юм.
НҮБ-аас гаргадаг хүнсний үнийн индекс сүүлийн нэг жилд 33 хувиар өссөн байна. Энэ нь бага орлоготой айл, өрхүүдэд ихээхэн хүндрэл учруулахаар байгаа ажээ.