Түүхийн ухааны доктор Ё.Отгонбаярт ШУТИС-ийн “Хүндэт доктор” цол олгох ёслолын ажиллагаа өнөөдөр боллоо.
Ё.Отгонбаяр нь Монгол улсын гадаад харилцаа, дээд боловсрол, шинжлэх ухаан, технологи, соёл, хууль тогтоох салбарын бодлого тодорхойлох, зохион байгуулах түвшинд 30 гаруй жил үр бүтээлтэй ажилласан бөгөөд энэ хугацаанд Кембрижийн олон улсын стандартыг нэвтрүүлэн лаборатори сургуулиудыг байгуулсан нь дэлхийн стандартад ойртох эхлэл болсон.
Мөн дээд боловсрол, соёл, инновац, шинжлэх ухааны эрх зүйн орчинг боловсронгуй болгоход УИХ-ын ажлын хэсгийг олон хуулийн төсөл дээр ахлан ажиллаж, Засгийн газрын үйл ажиллагаа мөрийн хөтөлбөрт суулгах, шийдвэрлүүлэх талаар идэвхтэй ажилласан байна.
Тус үйл ажиллагаанд ШУТИС-ийн удирдлагууд, академичид, БШУ-ны сайд Л.Энх-Амгалан оролцлоо.