Архангай аймгаас сонгогдсон УИХ-ын гурван гишүүний дэмжлэгээр улсын төсвийн 1.2 тэрбум төгрөгийн хөрөнгө оруулалттай Siemens healthineers брендийн томографийн аппарат ашиглалтад орж байна. Аймгийн Нэгдсэн эмнэлэгт суурилагдсан энэхүү аппарат нь 32 зүсэлттэй, сүүлийн үеийн тоног төхөөрөмж юм.
Жилдээ ойролцоогоор Архангай аймгийн 1000 орчим иргэн 13А маягтаар зөвхөн компьютер томограф аппаратаар оношилгоо хийлгэх болон 3 дугаар шатлалын эмнэлэгт үзүүлэхээр Улаанбаатар хот руу явдаг байна.
Томографийн аппарат ашиглалтад орсноор иргэдийн Улаанбаатар хот руу өндөр зардлаар чирэгдэл болж явахгүй орон нутагтаа компьютерт томографийн оношилгоо хийлгэж, өвчнөө эрт үед нь оношлуулах бүрэн боломжтой болж байгаа юм.