Чөлөөт, сонгомол бөхийн залуучуудын 2021 оны Дэлхийн аварга шалгаруулах тэмцээн (ДАШТ) ОХУ-ын Уфа хотноо үргэлжилж байна.
Өнөөдөр эмэгтэйчүүдийн 53, 57, 62, 65, 72 кг-ын жингийн урьдчилсан, 50, 55, 59, 68, 76 кг-ын жингийн дагах барилдаанууд эхэлсэн.
Эмэгтэйчүүдийн 55 кг жинд зодоглосон М.Мөнхгэрэл дагах барилдаанд АНУ-ын тамирчин Пейтон Жейн Струдыг 10-0 харьцаагаар ялснаар хүрэл медалийн төлөө барилдахаар болов.
Тэрээр хүрэл медалийн төлөө ОХУ-ын Анастасиа Иандушкинатай 21:00 цагаас барилдана. Тус цагаас 76 кг жинд Ө.Одбаг хүрэл медалийн төлөө, 50 кг жинд Б.Энхзул алтан медалийн төлөө барилдана.
Өнөөдөр эмэгтэйчүүдийн -65 кг жинд зодоглосон Т.Энхжин эхний шатанд Тунисийн Хадижа Жлассид 5-2 харьцаагаар ялагдав. Хэрэв Тунисийн тамирчин финалд шалгарвал Т.Энхжин дагаж барилдана.