Нийслэлийн “Өргөө” амаржих газрын ариун цэврийн өрөөг хөгжлийн бэрхшээлтэй иргэнд хүртээмжтэй хэлбэрээр тохижуулахаар болжээ.
Тодруулбал, энэ оны долдугаар сарын 30-нд Германы Элчин сайдын яамны Дэд тэргүүн хатагтай Рутенберг “Lean in Mongolia” ТББ-ын төлөөлөгчдийг хүлээн авч уулзаж, тэдний “Ийм болгоё” хөдөлгөөний төслийг санхүүжүүлэх гэрээнд гарын үсэг зурсан байна. Уг төслийн гол зорилго нь хөгжлийн бэрхшээлтэй жирэмсэн эмэгтэйчүүдийн эмнэлгээр үйлчлүүлэх нөхцөл байдлыг сайжруулж, “Өргөө” амаржих газрын ариун цэврийн өрөөг жишиг хэлбэрээр тохижуулах юм.
Нийслэлийн “Өргөө” амаржих газар дотроо 70 орчим ариун цэврийн өрөөтэй боловч харамсалтай нь тэдгээрийн аль нь ч хөгжлийн бэрхшээлтэй иргэнд хүртээмжтэй хэлбэрээр баригдаагүй байдаг байна.