2015 оны Европын наадмын алт, 2019 оны дэлхийн аварга, Израйлийн жүдо бөхийн тамирчин Саги Муки өөрийн фэйсбүүк хуудасдаа “Нэг зураг мянган үгний үнэ цэнэтэй. Эрхэм найз Сайед Моллайтайгаа олимпийн наадамд цуг байгаадаа бахархаж байна” хэмээн цуг авхуулсан зургаа постлосон нь сошил, хэвлэл мэдээлэлийнхэний анхаарлыг татаад байна.
Учир нь гэвэл хоёр тамирчин, жүдо бөхийн спорт, цаашлаад олимпийн таван цагирагийн дор цугтаа нөхөрлөж байгаа нь олимпийн наадмын үеэр ойрхи дорнодын Израйл-Арабын хурц мөргөлдөөнийг намдааж байна хэмээн хэвлэл мэдээлэлийнхэн онцолж байгаа юм.
Дашрамд сонирхуулахад Монголын тамирчин Сайед Моллай “Токио-2020” олимпийн наадмын жүдо бөхийн эрэгтэйчүүдийн -81кг жинд мөнгөн медаль хүртсэн бол Израйлийн Саги Мукигийн хувьд холимог багийн төрөлд хүрэл медаль хүртсэн билээ.