Цар тахлын үед ГССҮТ-ийн гавал тархины гэмтлийн тасгийн эмч нар улаан бүсэд коронавирусийн халдвараар өвчилсөн 51 настай үйлчлүүлэгчийн тархины эдийн доторх цусан хураа авах төрөлжсөн мэргэжлийн мэс заслыг цаг алдалгүй амжилттай хийлээ.
Хүнд өвчтэй иргэнд мэс заслын тусламж үйлчилгээг тархины мэс заслын тасгийн их эмч, мэдрэлийн мэс засалч Э.Энхтүвшин, Ц.Эрдэнэ мөн ковидын тасагт ажиллаж байгаа долдугаар багийн их эмч А.Амгаасэд, мэдээгүйжүүлэх эмч Н.Оюунчимэг, сувилагч Адъяасүрэн, Мөнхтулга нар хамтран ажиллажээ.