Хүний наймаачдад алдсан хүүгээ 24 жилийн турш 500 мянга гаруй километр замыг мотоциклоор туулан хайсны эцэст олжээ. Гуо Гангтанг гэх хятад эр 1997 онд хоёр настай хүүгээ Шаньдун муж дахь гэрийнхээ урдаас хүний наймаачдад алдсан аж. Тэрбээр Хятадын 20 мужаар хүүгээ хайж явахад түүний10 мотоцикл эвдэрсэн гэнэ.
Гуо Гангтанг энэ хугацаанд Хятадын Сураггүй болсон хүмүүсийг эрэн хайх байгууллагын хүндтэй гишүүн болж, долоон эцэг, эхэд хүүхдээ олоход нь тусалсан байна.
Анх Хятадын Цагдаагийн газраас хүүг эрэгтэй, эмэгтэй хоёр этгээд хулгайлан Хэнан мужид аваачиж зарсныг мэдэгдсэн. Тэднийг ДНХ-ийн шинжилгээгээр эцэг хүү болохыг нь нотолжээ.
Энэ талаар Гуо Гангтанг “Би хүүгээ оллоо. Аз жаргалаа оллоо” хэмээсэн юм.