Засгийн газрын хуралдаанаар гаргасан шийдвэрийг танилцуулж байна.
УОК-ын нарийн бичгийн дарга Т.Баярхүү “Аймгууд дур мэдэн хилээ хааж шийдвэр гаргахгүй. Цаашид ЗГ УОК-ын шийдвэрийн дагуу аймгуудын хязгаарлалтыг шийднэ.13 аймгийн 101 сумын хязгаарлалтын дэглэм дуусч байгаа, хязгаарлалтыг дахин сунгахгүй. Хязгаарлалттай аймгууд хугацаа нь дуустал дэглэмээ сахина.
Мөн экспортын боомтууд дээр одоо мөрдөж байгаа хатуу хөл хориог хэвээр үлдээнэ. Харин бусад аймгууд дур мэдэн хөл хориог тогтоохгүй, үүнийг УОК-т уламжилж тодорхой үнэлгээ хийсний дараа хөл хорих эсэхийг тогтоох аж.
Өчигдрийн байдлаар нийт 20 аймагт халдварын 30299 тохиолдол бүртгэгдээд байна. Одоогоор 18 аймгийн 196 сум, 6 тосгонд тодорхой хязгаарлалтын дэглэмтэй байгаа ба 13 аймгийн 101 суманд тогтоосон дэглэмийн хугацаа долдугаар сарын 09-нд дуусна” гэлээ.