Монгол Улсын Сангийн яамнаас 2022, 2023 онд эргэн төлөгдөх байсан Засгийн газрын бондуудыг буцаан худалдан авах өрийн зохицуулалт хийнэ гэв.
Өөрөөр хэлбэл “Century” төслийн хүрээнд хугацаа тулаад байсан “Чингис” болон “Гэрэгэ” бондын 1.0 тэрбум ам.долларын өр төлбөрийг бага түвшний хүүтэйгээр дахин санхүүжилт хийж өрийн зохицуулалтын арга хэмжээг авч хэрэгжүүлжээ.
Сангийн яамны санхүүгийн бодлого газрын дарга Н.Мандуул “Энэ өрийн зохицуулалтын хүрээнд түүхдээ хамгийн бага буюу 3.5, 4.45 хувийн хүүтэйгээр дахин санхүүжилт хийсэн. Энэ нь олон улсын зас зээлд хөрөнгө оруулагчид манай Засгийн газарт итгэл хүлээлгэж буйн хэлбэр юм” гэв.
Монгол Улс 2011, 2012 онуудад 10 жилийн хугацаатай 5.125 хувийн хүүтэй 1 тэрбум ам.долларын Чингис бондыг гаргаж байсан. Харин “Century” төслийн хүрээнд 6 жилийн хугацаатай 3.5 хувийн хүүтэй болон 10 жилийн хугацаатай 4.45 хувийн хүүтэй тус бүр 500 сая ам.долларын өрийн зохицуулалтыг хэрэгжүүлжээ.
Засгийн газар ирэх 4 жилийн хугацаанд 4.5 тэрбум ам.долларыг төлнө. Үүний 1 тэрбумыг төлөх аргагүй тул ийнхүү өрийн зохицуулалт хийсэн аж.