Бразил улсад коронавирусийн эсрэг 100 гаруй сая тун вакцин хийсэн тухай тус улсын эрүүл мэндийн яамнаас мэдээлжээ. Энэ нь Бразилд өнгөрсөн онд Ковид-19 цар тахал бүртгэгдсэнээс хойш сул явцтай байсан бүх нийтийн дархлаажуулах аяны хувьд маш том үр дүн гэж эрх баригчид нь дүгнэж байгаа юм байна.
Бразил нь коронавирусийн эсрэг хийсэн вакцины тоогоор дэлхийд дөрөвт бичигдэж байгаа юм. Гэхдээ энэ нь тус улсын иргэд вакцины эхний тунд хамрагдсан тоо, бүрэн дархлаажсан тоо биш учраас бодит тоо маш тодорхойгүй гэнэ. Өнөөдрийн байдлаар Бразилд цар тахлын халдвар өндөр хувьтай байна.
Жон Хопкинсийн их сургуулийн статистик мэдээллээр Бразилд өдөрт халдварт 65 мянга гаруй тохиолдол, нас барсан 2 мянга гаруй тохиолдол бүртгэгдэж байгаа юм. Эрүүл мэндийн яам нь ойрын үед вакцины дараагийн багцыг хүлээж авна, үүний үр дүнд ирэх 8 дугаар сарын сүүл гэхэд Рио Де Жанейро хот вакцинжуулалтаа 80 хувьд хүргэх зоригтондоо хүрэх болов уу гэсэн найдлага тавьж байна.
Тус улс Пфайзер компаниас вакцин хүлээж авахаас гадна дотооддоо үйлдвэрлэж байгаа Оксфорд АстраЗенекагийн вакцины үйлдвэрлэлийг нэмэгдүүлэх бөгөөд Оксфорд АстраЗенекагийн вакциныг үйлдвэрлэх зөвшөөрөл авсан Фиокруз компани 100 сая тун вакцин үйлдвэрлэж, улс орон даяар түгээхээр зорьж байна.