Хөшигийн хөндийн шинэ нисэх буудлыг долдугаар сарын 4-нд нээнэ.
Үүнтэй холбоотойгоор бэлтгэл ажлыг хангахаар холбогдох байгууллагууд нүүж эхэлжээ.
Энэ талаар Иргэний нисэхийн ерөнхий газраас тодруулахад “Ирэх сарын 4-ний өдрөөс Чингис хаан олон улсын шинэ нисэх буудлын үйл ажиллагааг эхлүүлэхтэй холбоотойгоор бэлтгэл ажлыг нарийвчилсан төлөвлөгөөний дагуу хийж байгаа бөгөөд нүүлгэн шилжүүлэлтийн ажлууд эхэлсэн.
Өнөөдрөөс томоохон цуваа бүхий их нүүдэл МИАТ компаниар эхэлж байна. Харин маргааш Чингис хаан олон улсын нисэх буудлын цуваа бүхий нүүлгэн шилжүүлэлт хийгдэнэ.
Томоохон нүүлгэн шилжүүлэлтийг хийж дууссаны дараа долдугаар сарын 4-ний өдрөөс олон улсын болон орон нутгийн бүх нислэг Хөшигийн хөндийн Чингис хаан олон улсын шинэ нисэх буудлаас хийгдэх юм.
Буянт-Ухаа дахь нисэх буудлын нисэх үйлдвэрлэлийн үйл ажиллагааг долдугаар сарын 2 эсвэл 3-нд албан ёсоор хаана.
