Америкийн жүжигчин 78 настай Харрисон Форд “Индиана Жонс” киноны тав дахь ангийн зураг авалт дээр мөрөндөө бэртэл авсан тухай The Walt Disney компани мэдэгдлээ. Компанийн мэдэгдэлд кино зураг авалт хэвийн үргэлжилж, жүжигчин Харрисон Форд эмчлүүлж байгаа гээд шаардлагатай бол зураг авалтын дэгийг өөрчилнө гэжээ.
Ирэх 2022 оны долоодугаар сарын 29-нд нээлтээ хийхээр төлөвлөж буй “Индиана Жонс” кинонд Фордоос гадна Мадс Миккельсен, Бойд Холбрук, Фиби Уоллер-Бриж зэрэг жүжигчид тоглож байна. “Логан”, “Феррариийн эсрэг Форд” киног бүтээгч Жеймс Мэнголд найруулагчаар нь ажиллаж буй. Өмнөх ангиудыг бүтээсэн Стивен Спилберг энэ удаа продюсеруудын нэг болсон ажээ.