Дэлхий дахинаа сүүний өдрийг 21 дахь жилдээ энэ оны зургадугаар сарын 01-ний өдөр тэмдэглэн өнгөрүүлж байна.
Энэ өдрийг гадаадын 50 гаруй улс орон уламжлал болгон, манай улс 2016 оноос тэмдэглэж байна. Энэ өдрөөр сүү сүүн бүтээгдэхүүн, шим тэжээлийн ач холбогдлыг сурталчлан таниулдаг.
Хүний биед нэн шаардлагатай нэг өдрийн амин дэмүүд болох Кальци, Витамин D, Уураг, Фосфор болон цусны эргэлт сайжруулдаг тэжээллэг бодисуудыг хамгийн багадаа 200 гр сүү ууснаар олж авдаг байна. Тиймээс дэлхийн өндөр хөгжилтэй орнууд болох АНУ-д иргэд нь насны ангиллаараа өдөр бүр сүүг тогтмол хэрэглэдэг байна. Үүнд:
- 1-10 настай хүүхдэд 1-3 аяга (200-300гр) 4 хувийн тослогтой сүү,
- 11-18 настай хүүхдэд 4-5 аяга (300-500гр) 3,2 хувийн тослогтой сүү,
- 19-өөс дээш насны хүн өөрийн биеийн онцлогтой тохируулан 3 аяга (300-500 гр) 0.1 хувь, 2.5 хувийн тослогтой сүүг хэрэглэж заншжээ.
Хүн өдөрт хамгийн багадаа үйлдвэрийн аргаар боловсруулсан 200гр сүү уух хэрэгцээтэй гэвэл жилд манай орны хувьд нийт сүүний хэрэглээ 204.4 сая литр сүү хэрэглэх ёстой. Тиймээс өдөр бүр сүү ууж, сүүн дэх байгалийн хамгийн зохист хэмжээгээр байдаг амин дэмүүдийг зохистой хэмжээгээр хэрэглэж, эрүүл мэндээ дэмжицгээе.